ಲಕ್ಷಗಟ್ಟಲೆ ಕೊಟ್ಟು ವೈದ್ಯಕೀಯ ಕಾಲೇಜು ಸೇರುವುದೇಕೆ?

ತಜ್ಞ ವೈದ್ಯನೊಬ್ಬ ವಿಧಿಸಬಹುದಾದ ಶುಲ್ಕಕ್ಕೆ ಸ್ವತಃ ಆತನೇ ಮಿತಿ ಹಾಕಿಕೊಂಡಿರಬೇಕೇ ವಿನಃ ರೋಗಿ ಏನೂ ಹೇಳಲಾರ. ಎಷ್ಟು ದುಬಾರಿ ಅನಿಸಿದರೂ ಶುಲ್ಕವನ್ನು ಗಪ್‌ಚಿಪ್ ಎಂದು ಪಾವತಿಸುವುದು ಅತಿ ಸಾಮಾನ್ಯ.ಯಾವೆ ರೋಗಿಯೂ ವೈದ್ಯನಿಗೆ ಪಾವತಿಸದೆ ಕಡ ಹೇಳಿ ಹೋಗುವುದಿಲ್ಲ. ಚರ್ಚೆಯ ಮಾತೇ ಇಲ್ಲ.ಚೌಕಾಶಿ ನಡೆಯುವುದಿಲ್ಲ. ಕಲಿಯಲು ಹಾಕಿದ ಹಣವನ್ನು ಕೆಲವೆ ವರ್ಷಗಳಲ್ಲಿ ವಾಪಸ್ಸು ಪಡೆಯುವ ಖಾತರಿಯಿದೆ.ಜನರ ಪ್ರೀತಿ ಗೌರವಗಳಿಗೂ ಬರವಿಲ್ಲ. ರೋಗಿಯ ಬೆನ್ನು ತಟ್ಟಿ ಮಾತನಾಡಿಸಿದರೆ, ಆತ ವೈದ್ಯನ ಬಗ್ಗೆ ತಾಳುವ ಗೌರವ ಸ್ವಲ್ಪವಲ್ಲ. ರೋಗ ಗುಣವಾದಾಗ,ಅದರಲ್ಲಿ ವೈದ್ಯನ ಪಾಲು ಹೆಚ್ಚೇನೂ ಇಲ್ಲದೇ ಹೋದರೂ,ಅವರಿಗೆ ಸಿಕ್ಕುವ ಕ್ರೆಡಿಟ್ ಕಡಿಮೆಯಲ್ಲ.ರೋಗಿಯ ಬಗ್ಗೆ ನೈಜ ಕಾಳಜಿ ಹೊಂದಿ,ಅವರನ್ನು ಪ್ರೀತಿಯಿಂದ ಕಂಡು,ಅವರಿಗೆ ಧೈರ್ಯ ತುಂಬುವ ಮೂಲಕ ವೃತ್ತಿಜೀವನದಲ್ಲಿ ಸಾಫಲ್ಯವನ್ನು ಅನುಭವಿಸುವ ಅವಕಾಶ ಬೇರೆ ಇದೆ. ಇವೆಲ್ಲವೂ ಎಷ್ಟು ಹಣ ತೆತ್ತಾದರೂ ವೈದ್ಯ ಕಲಿಕೆಗೆ ಹೋಗುವಂತೆ ಜನರನ್ನು ಪ್ರೇರೇಪಿಸುತ್ತದೆ.